«Գազպրոմը» դադարեցրել է ռուսական գազի մատակարարումը Ֆինլանդիա, պատճառը գազի համար ռուբլով չվճարելն է

ԵՐԵՎԱՆ, ՄԱՅԻՍԻ 21, 24News

Գազպրոմ

Մայիսի 21-ին՝ Մոսկվայի ժամանակով ժամը 07:00-ից, «Գազպրոմ Էքսպորտ»-ը դադարեցրել է ռուսական գազի մատակարարումները ֆիննական «Գասում» պետական էներգետիկ ընկերության հետ կնքված պայմանագրով, գրում է ՏԱՍՍ-ը։

Ըստ աղբյուրի՝ պատճառն այն է, որ Ֆինլանդիան չի վճարել ապրիլին մատակարարված գազի դիմաց և հրաժարվել է ռուբլով վճարումներ կատարել: Ուրբաթ «Գազպրոմ Էքսպորտ»-ը հայտնել է, որ ֆիննական ընկերությունից ապրիլին գազի մատակարարումների համար վճար չի ստացել մինչև մայիսի 20-ի աշխատանքային օրվա վերջը: Այդ իսկ պատճառով ռուսական հոլդինգը «Գասումին» ծանուցել է մայիսի 21-ից գազի մատակարարումը դադարեցնելու մասին։

Հիշեցնենք՝ ապրիլի 1-ից ՌԴ-ի համար ոչ բարեկամ երկրներից գնորդները կարող են ռուսական գազի համար վճարել միայն ռուբլով։ Ֆիննական ընկերությունը այս շաբաթ հայտնել է, որ մտադիր չէ կատարել «Գազպրոմի» պահանջը՝ մատակարարված գազի դիմաց վճարել ռուբլով և որոշել է հայց ներկայացնել «Գազպրոմ Էքսպորտի» հետ գործող պայմանագրի վերաբերյալ:

Տեսանյութեր