Բրիտանիան վերսկսում է զենքի արտահանումը Թուրքիա

ԵՐԵՎԱՆ, ՄԱՅԻՍԻ 23, 24News

f60337c0b41da2_60337c0b41de4.jpg

Թուրքիայի Պաշտպանական արդյունաբերության գլխավոր վարչության պետ Իսմայիլ Դեմիրը Լոնդոն կատարած այցի ընթացքում հայտնել է, որ նախկինում իրենց տրված խոստումներն արդեն կատարվում են. չեղարկվում են Բրիտանիայից Թուրքիա զենքի արտահանման հետ կապված սահմանափակումները։ Այս մասին հայտնում է ermenihaber.am-ը։

«Անշուշտ, կարևոր է նման դրական քայլեր անելը և դաշինքի ոգով գործելը։  Մենք արդեն տեսել ենք, թե ինչպիսի դրական օրակարգ կարող է ձևավորվել, եթե Միացյալ Թագավորությունը գործի այս ոգով»,- շեշտել է Դեմիրը։

Հիշեցնենք, որ Մեծ Բրիտանիան դադարեցրել էր զենքի արտահանումը Թուրքիա 2019 թվականին այն բանից հետո, երբ թուրքական զինուժը ռազմական օպերացիա էր սկսել Սիրիայի հյուսիսում տեղակայված քուրդ զինյալների դեմ, որոնք հարում են «Քուրդիստանի բանվորական կուսակցությանը» (PKK) և «Ժողովրդական ինքապաշտպանության ջոկատին» (YPG)։

Թուրքիան և Մեծ Բրիտանիան ռազմական համագործակցություն են սկսել ազգային 5-րդ սերնդի TF-X MMU կործանիչի ծրագրում, որը նմանություններ կունենա ամերիկյան «Lockheed Martin» ընկերության նախագծած F-35 Lightning II բամզաֆունկցիոնալ կործանիչ-ռմբարկուի հետ։

Բրիտանական կողմը, ի դեմս պաշտպանության նախարար Բեն Ուոլեսի, հետաքրքրվել է թուրքական արտադրության անօդաչու թռչող սարքերի առուվաճառքով։

Ըստ աղբյուրի՝ թուրքական անօդաչուների նկատմամբ հետաքրքրությունն աշխարհում մեծացել է, քանի որ դրանք բավականաչափ աջակցություն ցուցաբերեցին ուկրաինական բանակին ռուսական զինուժի դեմ կռվելիս։

--00--ՀԶ