Լևանդովսկին նվաճեց «Ոսկե խաղակոշիկը»

ԵՐԵՎԱՆ, ՄԱՅԻՍԻ 23, 24News

Լևանդովսկի Ոսկե խաղակոշիկ

Ռոբերտ Լևանդովսկին երկրորդ մրցաշրջանն անընդմեջ նվաճեց Եվրոպայի «Ոսկե խաղակոշիկը», հայտնում է armsport.am-ը՝ kicker-ին հղումով։

«Բավարիայի» հարձակվողը Գերմանիայի առաջնության 34 խաղում դարձել է 35 գոլի հեղինակ և վաստակել է 70 միավոր (35 գոլ x 2-ը՝ մրցաշարի գործակիցը):

ՊՍԺ-ի հարձակվող Կիլիան Մբապեն 28 գոլով և 56 միավորով զբաղեցրեց երկրորդ հորիզոնականը:

Չիրո Իմոբիլեն («Լացիո») և Կարիմ Բենզեման («Ռեալ Մադրիդ») վաստակել են 54-ական միավոր (27 գոլ համապատասխանաբար Ա Սերիայում և Լա Լիգայում):

Անցած մրցաշրջանում Լևանդովսկին ևս նվաճել էր այս մրցանակը` 41 գոլով (82 միավոր):

--00--ԱԱ