Փարիզը վերահաստատում է աջակցությունը Հայաստանի և Ադրբեջանի միջև երկխոսությանը. Ֆրանսիայի ԱԳՆ

ԵՐԵՎԱՆ, ՄԱՅԻՍԻ 24, 24News

քաղաքական

Ֆրանսիան ողջունում է մայիսի 22-ին Բրյուսելում Եվրոպական խորհրդի նախագահ Շառլ Միշելի նախաձեռնությամբ Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիև միջև կայացած հանդիպման արդյունքները։ Ինչպես փոխանցում է 1Lurer.am-ը, այս մասին նշված է Ֆրանսիայի արտգործնախարարության հաղորդագրության մեջ:

«Այս հանդիպումը կողմերին թույլ տվեց պայմանավորվել սահմանային հարցերի երկկողմ հանձնաժողովի նիստի շուրջ։ Ֆրանսիան վերահաստատում է իր աջակցությունը Հայաստանի և Ադրբեջանի միջև Եվրամիության հովանու ներքո երկխոսությանը և կշարունակի նպաստել այդ երկխոսությանն ազգային մակարդակով՝ որպես ԵՄ խորհրդում նախագահող երկիր և ԵԱՀԿ Մինսկի խմբի համանախագահ»,- նշված է Ֆրանսիայի ԱԳՆ կայքում:

--00--ԿԿ