Ոստիկանները բռնել են քաղաքացուն, որը փորձել է գողանալ Ծիծեռնակաբերդի այգու ոռոգման խողովակները

ԵՐԵՎԱՆ, ՄԱՅԻՍԻ 30, 24News

Ծիծեռնակաբերդ Երևանի քաղաքապետարան

Մայիսի 22-ին ՀՀ ոստիկանության պետական պահպանության գլխավոր վարչության Մալաթիայի բաժնի ծառայողները ժամը 23:40–ի սահմաններում Հայոց ցեղասպանության զոհերի հուշահամալիրին կից այգում նկատել են 2 քաղաքացու, որոնք զբոսայգու ոռոգման խողովակները կտրելիս ու տեղափոխելիս են եղել, հայտնում է shamshyan.com-ը։ 

Ոստիկաններին նկատելով, նրանցից մեկը դիմել է փախուստի, իսկ մյուսին կարողացել են բռնել, նա բերման է ենթարկվել ոստիկանության Մալաթիայի բաժին:

Կայքի տեղեկություններով՝ բռնվածը Արմավիրի մարզ բնակիչ, 26-ամյա Դավիթ Խ.-ն է, իսկ ոստիկանության Մալաթիայի բաժնի քրեական հետախուզության բաժանմունքի ծառայողների կողմից ձեռնարկված օպերատիվ-հետախուզական միջոցառումների արդյունքում պարզվել է, որ փախուստի դիմած քաղաքացին Արմավիրի մարզի բնակիչ, 36-ամյա Պավել Ա.-ն է:

Մալաթիայի ոստիկանները ձեռնարկում են անհրաժեշտ  միջոցառումներ՝  նրան հայտնաբերելու  ուղղությամբ, իսկ բերման ենթարկված Դավիթ Խ.-ն բաց է թողնվել:

--00--ԱՀ