ԵՐԵՎԱՆ, ՀՈԻՆԻՍԻ 2, 24News
F-16 կործանիչների արդիականացման և մատակարարման վերաբերյալ թուրք-ամերիկյան բանակցություններն անցել են դրական մթնոլորտում։ Այդ մասին հայտնել է Թուրքիայի պաշտպանության նախարարը օդուժի հրամանատար բանակի գեներալ Հասան Քյուչյուքայուզի հետ հանդիպման ժամանակ, գրում է ermenihaber.am-ը։
«Հավատում ենք, որ այս հարցում ԱՄՆ-ն ընդառաջ կգնա Թուրքիայի կարիքներին: Ըստ իս՝ այս ամենը չի անտեսվի ԱՄՆ վարչակազմի կողմից հավաքական պաշտպանության և փոխգործակցության առումով։ Հիմք է ստեղծվել շփումները շարունակելու համար, քանի որ թե Թուրքիա եկած ԱՄՆ պատվիրակությունների հետ ունեցած հանդիպումները, թե ԱՄՆ մեկնող թուրքական պատվիրակության շփումները կոնգրեսականների հետ դրական մթնոլորտում են եղել»,-շեշտել է Աքարը:
Հիշեցնենք, որ Թուրքիան դիմել էր ԱՄՆ-ին՝ 40 միավոր F-16 կործանիչ գնելու, ինչպես նաև իր ունեցած մոտ 80 ամերիկյան կործանիչներն արդիականացնելու համար: Հավելենք, որ ԱՄՆ կոնգրեսը դրական էր արձագանքել Թուրքիայի խնդրանքին:
--00--ՀԶ