ԵՐԵՎԱՆ, ՀՈՒԼԻՍԻ 2, 24News
Սյունիքի մարզային ճգնաժամային կառավարման կենտրոն հուլիսի 2-ին՝ ժամը 11։16-ին, ահազանգ է ստացվել, որ Լեհվազ գյուղի գերեզմանատան մոտակայքում այրվում է անասնագոմ։
Արտակարգ իրավիճակների նախարարությունից հայտնում են, որ դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Հրդեհը մեկուսացվել է ժամը 13:10-ին, մարվել՝ 13:25-ին: Այրվել են անասնագոմի տանիքի փայտե կառուցատարրերը (մոտ 100 քմ) և մոտ 150 հակ անասնակեր:
--00--ԱՀ