ԵՐԵՎԱՆ, ՓԵՏՐՎԱՐ 22, 24News
Հայաստանի իշխանությունները երրորդ նախագահ Սերժ Սարգսյանին քաղաքական անձեռնմխելիություն են երաշխավորել։ Այս մասին փետրվարի 22-ին լրագրողների հետ հանդիպմանն ասել է ընդդիմադիր գործիչ Անդրիաս Ղուկասյանը։
Նրա խոսքով՝ հակակոռուպցիոն պայքարն ուղղված է պարտքերի մարմանը և վարվում է հիմնականում ի հաշիվ երկրորդ նախագահ Ռոբերտ Քոչարյանի ու նրա կողմնակիցների։ «Խոսքը, հավանաբար, մի ինչ-որ հատուցման համար է այն բանի համար, որ Սերժ Սարգսյանը իշխանությունը խաղաղ ճանապարհով հանձնեց։ Բայց պետական պարտքերը, այս կամ այն կերպ, պետք է վճարվեն»,- նշել է նա։
Անդրադառնալով Լեւոն Տեր-Պետրոսյանի կուսակցության բարձրացրած սահմանադրական փոփոխությունների թեմային՝ Անդրիաս Ղուկասյանն ընդգծեց, որ Սահմանադրության յուրաքանչյուր հաջորդ խմբագրում շատ ավելի վատն է եղել նախորդից մարդու իրավունքների պաշտպանության տեսակետից։ «Բոլոր փոփոխությունները պետք է մտցվեն քաղաքացիների ակնկալիքների հաշվառմամբ, որպեսզի հնարավորություն չլինի փոխել Սահմանադրությունը՝ ելնելով քաղաքական իրավիճակից»,- ամփոփել է քաղաքական գործիչը։