ԵՐԵՎԱՆ, ՓԵՏՐՎԱՐԻ 23, 24News
Հայաստանի քննչական կոմիտեի Լոռու մարզային քննչական վարչության Թումանյանի քննչական բաժնում ավագ քննիչ Խաչատրյանի կողմից նյութեր են նախապատրաստվում փետրվարի 21-ին Ալավերդի քաղաքի Դեբեդ թաղամասի շենքերից մեկի բնակիչ՝ 56-ամյա Տատյանա Պողոսյանի բնակարանից կատարված խոշոր չափի գողության փաստով։ Այդ մասին հայտնում է shamshyan.com-ը։
Այդ օրը Պողոսյանը ոստիկանության Թումանյանի բաժին հայտնել է, որ ժամը 08։40-ից մինչև 14։00-ն ընկած ժամանակահատվածում անհայտ անձը կամ անձինք հարմարեցված բանալիով բացել են իր բնակարանի դուռը, մտել տուն, ննջասենյակում տակնուվրա արել ամեն ինչ և պահարանի տարբեր դարակներից հափշտակել ոսկյա զարդեր և խոշոր չափի գումար։
Ւսը աղբյուրի՝ Պողոսյանը աշխատում է Աքորի գյուղի դպրոցում՝ որպես փոխտնօրեն, և գողերը նրա բնակարանի դռան վրա թողել են երկտող՝ համակարգչով հավաքված. «Ապրեք, երեխեք, բայց մեզ պես չապրեք»։ Նախքան ոստիկանների ժամանումը՝ այդ գրությունը պատռել են ինչ-որ անձինք։
Ըստ աղբյուրի՝ փոխտնօրենը կրել է մոտ 1 մլն 20 հազար դրամի նյութական վնաս։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: