ԵՐԵՎԱՆ, ՕԳՈՍՏՈՍԻ 15, 24News
Խորապես ցնցված եմ Երևանի կենտրոնում՝ բացօթյա առևտրի կենտրոնում տեղի ունեցած հզոր պայթյունի մասին լուրից: Այս մասին Թվիթթերի իր էջում գրել է Թուրքիայի հատուկ ներկայացուցիչ Սերդար Քըլըչը։
«Ցանկանում եմ իմ անկեղծ ցավակցությունը հայտնել զոհվածի ընտանիքին և շուտափույթ ապաքինում մաղթել բոլոր նրանց, ովքեր վիրավորվել են այս ողբերգության հետևանքով»,-գրել է Քըլըչը։
Քըլըչի գրառման պահին հայտնի է եղել 1 զոհի մասին:
Քըլըչը իր գրառման տակ նշել է ՀՀ ԱԳՆ-ի ու ՀՀ կողմից հատուկ ներկայացուցիչ Ռուբեն Ռուբինյանի էջերը:
Հիշեցնենք, որ վերջին տվյալներով՝ «Սուրմալու» առևտրի կենտրոնում պայթյունի հետևանքով զոհվել է 6, տուժել՝ 61 մարդ:
--00—ԻԴ