ԵՐԵՎԱՆ, ՕԳՈՍՏՈՍԻ 19, 24News
Նիկոլ Փաշինյանի գլխավորած պատվիրակությունը երկօրյա աշխատանքային այցով մեկնել է Վրաստան։
Նախատեսվում է, որ այցի շրջանակներում՝ Նիկոլ Փաշինյանը և Վրաստանի վարչապետ Իրակլի Ղարիբաշվիլին կմասնակցեն հայ- վրացական սահմանին Դեբեդ գետի վրա նոր ավտոմոբիլային «Բարեկամություն» կամրջի բացման պաշտոնական արարողությանը։ Այն նախատեսված է ժամը 14:00-ին:
Փաշինյանի գլխավորած պատվիրակությունը բավական մեծաթիվ է.նրան կուղեկցեն ՀՀ փոխվարչապետ Հ. Մաթևոսյանը, պաշտպանության նախարար Ս. Պապիկյանը, ՀՀ տարածքային կառավարման և ենթակառուցվածքների նախարար Գ. Սանոսյանը, ՀՀ ֆինանսների նախարար Տ. Խաչատրյանը, ՀՀ ոստիկանության պետ Վ. Ղազարյանը, Վրաստանում ՀՀ արտակարգ և լիազոր դեսպանը։
Պատվիրակության կազմում է նաեւ սպասարկող անձնակազմը ոչ միայն Փաշինյանի աշխատակազմից, այլ նաեւ փոխվարչապետի ու պաշտպանության նախարարի օգնականները։
--00—ԻԴ