ԵՐԵՎԱՆ, ՍԵՊՏԵՄԲԵՐԻ 11, 24News
Ֆրանսիան ողջունում է Ադրբեջանի կողմից հինգ հայ բանտարկյալների ազատ արձակումը 2022 թվականի օգոստոսի 31-ին Բրյուսելում Եվրոպական խորհրդի նախագահ Շառլ Միշելի, Ադրբեջանի Հանրապետության նախագահ Իլհամ Ալիևի և Հայաստանի Հանրապետության վարչապետ Նիկոլ Փաշինյանի հանդիպումից հետո։ Այս մասին հայտարարություն է տարածել ՀՀ-ում Ֆրանսիայի դեսպանությունը։
«Այս մարդասիրական ակտը ևս մեկ քայլ է բոլոր գերիներին ազատելու նպատակին հասնելու համար։ Ֆրանսիան կշարունակի աջակցել երկու երկրների միջև հումանիտար խնդիրների լուծմանն ու տարածաշրջանում կայուն խաղաղության հաստատմանն ուղղված բոլոր ջանքերին»,-ասված է հայտարարությունում:
--00—ԶՀ