Միջազգային հանրությունը պետք է կանխի Ադրբեջանի արկածախնդիր քայլերն ու նոր հարձակումները․ Միրզոյան

ԵՐԵՎԱՆ, ՍԵՊՏԵՄԲԵՐԻ 27, 24News 

Թույլ տվեք շնորհակալություն հայտնել Հունաստանին և Հունաստանի կառավարությանը հայ ժողովրդին և Հայաստանին շարունակական աջակցության համար, հատկապես այն ժամանակ, երբ մենք առերեսվում ենք Ադրբեջանի կողմից Հայաստանի ինքնիշխանության և տարածքային ամբողջականության նկատմամբ ագրեսիային։ Այս մասին այսօր Հունաստանի ԱԳ նախարար Նիկոս Դենդիասի հետ հանդիպման ժամանակ հայտարարեց ՀՀ ԱԳ նախարար Արարատ Միրզոյանը։

«Այսօր գործընկերոջս հետ հնարավորություն ենք ունեցել անդրադառնալու հայ-հունական հարաբերություններին, արձանագրել ենք արդյունավետ փոխգործակցություն՝ Հայաստան-Հունաստան-Կիպրոս եռակողմ ձևաչափով, համոզված եմ՝ համատեղ ջանքերով կկարողանանք այս կարևոր ձևաչափը էլ ավելի զարգացնել»․-հայտարարեց Արարատ Միրզոյանը։

«Մենք կարևորում ենք կայունության և խաղաղության դեմ ուղղված Ադրբեջանի առավելապաշտական և հանցագործ նկրտումներին միջազգային հանրության կողմից հասցեական և համարժեք արձագանքը։ Ոչ համարժեք արձագանքները բերում են նոր հանցագործությունների։ Այս համատեքստում արժևորում ենք Հունաստանի դիրքորոշումը ստեղծված իրավիճակի կապակցությամբ»,-հավելեց ՀՀ ԱԳ նախարարը։

Մանրամասները՝ տեսանյութում։

--00—ԻԴ