ԵՐԵՎԱՆ, ՀՈԿՏԵՄԲԵՐԻ 6, 24News
Մոնպելիեյի փաստաբանների միությունը հայտարարություն է տարածել Հայաստանի ինքնիշխան տարածքում իրականացվող ադրբեջանական ագրեսիայի վերաբերյալ․
«Իրավիճակը Հայաստանում օր օրի վատթարանում է:
Սեպտեմբերի 12-ի լույս 13-ի գիշերը Ադրբեջանը հարձակում ձեռնարկեց Հայաստանի ինքնիշխան տարածքի ուղղությամբ՝ խախտելով նրա տարածքային ամբողջականությունը։
Մոնպելիեյի փաստաբանների միությունը խիստ անհանգստացած է ՄԱԿ-ի կողմից 1923 թվականից ի վեր ճանաչված սահմանները փոփոխելու այս փորձերից: Այս հարձակումները միջազգային իրավունքի խախտում են:
Մոնպելիեյի փաստաբանների միությունը՝ լինելով հայ ժողովրդի կողքին և Հայաստանի փաստաբանների պալատի հետ կապված լինելով համագործակցության պայմանագրով, հաստատում է իր լիակատար համերաշխությունը հայ ժողովրդի, նրա փաստաբանների, նրա դատավորների և ողջ իրավաբանական համայնքի հետ, ովքեր աշխատում են այս երկրում արդարադատության հաստատման համար: Մի երկիր, որը մշտապես ցեղասպանությունների և ագրեսիաների զոհ է դառնում:
Մոնպելիեյի փաստաբանների միությունը իր վրդովմունքն է հայտնում ստեղծված իրավիճակի վերաբերյալ»:
--00—ԶՀ