Փաշինյանն ու Քոչարյանը իրար համար թթվածին են, իսկ երկուսը միասին` ՀՀ կույրաղիքը

ԵՐԵՎԱՆ, ՆՈՅԵՄԲԵՐԻ 10, 24News

Փաշինյանն ու Քոչարյանը իրար համար թթվածին են, իսկ երկուսը միասին` ՀՀ կույրաղիքը: Այս մասին 24TV-ի «Հարցազրույց Կարպիս Փաշոյանի հետ» հաղորդման եթերում նշեց «Դեմոկրատական այլընտրանք» կուսակցության նախագահ, քաղաքագետ Սուրեն Սուրենյանցը։

Սուրենյանցի համոզմամբ, Փաշինյան-Քոչարյան քինոտ սիրախաղը շրջափակել է Հայաստանը, նրանց միավորում է արյունը` առաջինը՝ պատերազմի, իսկ երկրորդն էլ հոկտեմբերի 27-ի և մարտի 1-ի խորհրդանիշն է։

Անդրադառնալով վարչապետ Փաշինյանի այսօրվա ելույթին՝ Սուրենյանցը նշեց, թե այսօրվա Փաշինյանը հակադրվեց երեկվա Փաշինյանին և մենք չգիտենք , թե որ մեկը կհաղթի։

Սուրենյանցի պնդմամբ, Փաշինյանը խոստովանեց, որ իր քաղաքական կուրսը ֆիասկո է ապրել, բայց այդպես էլ չներկայացրեց ՀՀ օրակարգը։

Ընդհանուր առմամբ, ըստ նրա՝ դա Փաշինյանի կենսագրության ամենահամարժեք ելույթն էր, բայց, այնուամենայնիվ, չգիտենք, թե վաղն ինչ կասի ու կանի։

--00—ԱՊ