ԵՐԵՎԱՆ, ՆՈՅԵՄԲԵՐԻ 26, 24News
Խնդիրները վերևից են գալիս, պատերազմից բավական ժամանակ է անցել, բայց ոչ ոք պատասխանատվության չի ենթարկվել, դեռևս չկան պատասխանները, թե ինչո՞ւ այսպես եղավ, ո՞վ դավաճանեց: Այս մասին 24TV-ի հաղորդման ժամանակ ասաց երգիչ, երգահան Արտավազդ Բայաթյանը:
«Քանի տարի է պետք, պարզելու, թե ովքեր են դավաճանները, դա է պատճառը, որ մարդկանց վստահությունը կորել է, պատրաստ են ամեն ինչ անել, միայն թե իրենց զավակը չծառայի»,- ավելացրեց Բայաթյանը:
Անդրադառնալով Ադրբեջանի և Թուրքիայի հետ խաղաղություն հաստատելու հնարավորությանը՝ Բայաթյանը նշեց, որ պատրանք է՝ հավատալ խաղաղությանը, քանի որ Թուրքիան ու Ադրբեջանը պատրաստ չեն Հայաստանի հետ խաղաղ ապրել:
«Ալիև երևույթի հետ չի կարելի խոսել խաղաղության մասին, քանի դեռ նա չի ընդունել իր կատարած ոճրագործությունը: Թուրքիան Ադրբեջանին եղբայր է համարում, ինչպե՞ս կարող ենք հավատալ, որ նրանց հետ կարող ենք հարաբերություն հաստատել»,-ընդգծեց նա:
Մանրամասները՝ տեսանյութում:
Հերմինե Միքայելյան
--00—ԱՊ