Քաղաքապետարանը կբացատրի, թե ինչու են «դռելն» առել՝ ընկել Հրապարակի շենքերի «ջանին»․ «Հրապարակ»

ԵՐԵՎԱՆ, ԴԵԿՏԵՄԲԵՐԻ 2, 24News

ю

«Հրապարակ» թերթը գրում է. «Այսօր Երեւանի քաղաքապետարանի ղեկավարությունն ասուլիս է տալու, որ բացատրի, թե ինչու են «դռելն» առել՝ ընկել հրապարակի զարդանախշերի եւ հուշարձանի կարգավիճակ ունեցող շենքերի «ջանին» ու 8 հազար անցք բացել, որ բոլ-բոլ լույսեր տեղադրեն եւ կառավարության «մութ օրերը» լուսավորեն։

Ավագանու «Իմ քայլի» նախկին անդամ Իզաբելլա Աբգարյանը մեր բոլորի փոխարեն ձեւակերպել է խնդիրը․ «Վանդալները պարզաբանում են, որ հետո անցքերը լցվելու են: Եկեք մեկական դռել վերցնենք՝ գնանք իրենց տների պատերին անցքեր անենք, հետո լցնենք:

Կթողնե՞ն: Վստահ եմ՝ նույնիսկ իրենց երեխաներին մի հատ նկար պատին փակցնել չեն թողնում, որ պատին անցք չլինի, նորոգումը չփչանա»:

--00--ԱՀ