ԵՐԵՎԱՆ, ԴԵԿՏԵՄԲԵՐԻ 21, 24News
ՄԱԿ Անվտանգության խորհրդում հնչած հայտարարություններն անհրաժեշտ ճնշումներ էին Ադրբեջանի նկատմամբ, բայց խնդիրն ամբողջապես չեն լուծում, ՄԱԿ ԱԽ-ն կարող է վճռական ազդեցություն ունենալ իրավիճակի հանգուցալուծման վրա, բայց դեռևս այդ կետին չենք հասել: Եթե ՄԱԿ-ը սահմանափակվի միայն այդ հայտարարություններով, այս իրավիճակում որևէ փոփոխություն չի լինի: Այս մասին 24TV-ի հաղորդման ժամանակ ասաց ԱԺ «Պատիվ ունեմ» խմբակցության քարտուղար Տիգրան Աբրահամյանը:
Անդրադառնալով Ադրբեջանում Թուրքիայի դեսպան Ջահիթ Բաղչինի՝ Լաչինի միջանցք այցին՝ պատգամավորը նշեց, որ միջանցքի փակման գործընթացում Թուրքիան շարժիչի դեր ունի, իր քայլերով նպաստում և ուղղորդում է Ադրբեջանին՝ ցույց տալով Թուրքիայի մեծ ազդեցությունը տարածաշրջանում:
«Թուրքիայի դեսպանի հայտնվելը միջանցքում ուղերձ է պարունակում՝ ոչ այնքան Հայաստանին ու Արցախին, որքան՝ Ռուսաստանին: Թուրքիան փորձում է ՌԴ-ի դերը նվազեցնել ու հեղինակազրկել՝ ցույց տալ, որ պատրաստվում են ակտիվ գործել»,- եզրափակեց նա:
Մանրամասները՝ տեսանյութում:
Հերմինե Միքայելյան
--00—ԱՊ