ԵՐԵՎԱՆ, ՀՈՒՆՎԱՐԻ 18, 24News
Հավաքական անվտանգության կազմակերպությունը (ՀԱՊԿ) դժվարություններ ունի Հայաստանում, քանի որ Երևանը վերջին գագաթնաժողովի ժամանակ հրաժարվեց ընդունել կազմակերպության հիմնական փաստաթուղթը, ինչպես նաև ՀԱՊԿ դիտորդական առաքելությունը, որը պետք է տեղակայվեր Ադրբեջանի հետ սահմանին։ Այս մասին Մոսկվայում կայացած մամուլի ասուլիսի ժամանակ հայտարարել է ՌԴ ԱԳ նախարար Սերգեյ Լավրովը։
«Մեր հայ գործընկերները պահանջում էին, որպեսզի ՀԱՊԿ-ն շատ կոշտ դատապարտի Ադրբեջանի գործողությունները, սակայն դա արդեն ամեն անդամ երկրի գործն է։ Մենք առաջարկեցինք ուղարկել ՀԱՊԿ դիտորդական առաքելություն, հայկական կողմը մերժեց»,-ասել է Լավրովը։
ՌԴ ԱԳ նախարարը նաև հավելել է, որ ՀԱՊԿ-ն հիմա էլ է պատրաստ Հայաստան ուղարկել դիտորդական առաքելություն, սակայն «հայկական իշխանությունները նախընտրում են ԵՄ-ի հետ պայմանավորվել»։
«Այդպիսի առաքելությունը կարող է լինել ոչ արդյունավետ, եթե չի իրականացվում Բաքվի համաձայնությամբ»,-նկատել է նա։
Մանրամասները՝ տեսանյութում։
--00—ՅՄ