Արդարադատության նախարարի հրամանով՝ 2 մարզեր համալրվել են նոտարների թափուր հաստիքներով

ԵՐԵՎԱՆ, ՀՈՒՆՎԱՐԻ 26, 24News

anlasma_xu6kq.thumb_

Արդարադատության նախարարի հրամաններով համալրվեցին ՀՀ մարզային քաղաքներում տևական ժամանակ թափուր մնացած նոտարների հաստիքները։ Հունվարի 25-ից Նարե Վարդանյանը նշանակվել է Տավուշի մարզի նոտարական տարածքի նոտար (նստավայրը՝ քաղաք Նոյեմբերյան), իսկ Լուսինե Սանթոյանը՝ Վայոց ձորի մարզի նոտարական տարածքի նոտար (նստավայրը՝ քաղաք Վայք)։

Նոր նշանակումները բխում են Արդարադատության նախարարության հանձնառությունից շարունակաբար բարձրացնել քաղաքացիներին մատուցվող ծառայությունների որակը ոչ միայն Երևանում, այլև՝ մարզերում։ Նշված քաղաքների բնակիչները այլևս հնարավորություն կունենան օգտվել նոտարական ծառայություններից իրենց բնակության տարածքում։

--00—ՅՄ