Իհարկե՛, պետք է զարգացնել այս հավելվածը. Միշուստինը՝ «Ճանապարհորդում եմ առանց քովիդի» մասին 

ԵՐԵՎԱՆ, ՓԵՏՐՎԱՐԻ 3, 24News

«Ճանապարհորդում եմ առանց քովիդ» հեռախոսային հավելվածը, որը ստեղծվել է Հայաստանի նախկին վարչապետ Տիգրան Սարգսյանի Թվային նախաձեռնությունների հիմնադրամի կողմից, հնարավորություն տվեց համավարակի ամենաբուռն շրջանում բացել սահմանները նախ Ռուսաստանի և Հայաստանի, ապա ԵԱՏՄ այլ երկրների միջև, և այն պետք է զարգացնել։ Այս մասին Ալմաթիում ընթացող թվային համաժողովի ժամանակ հայտարարել է ՌԴ կառավարության ղեկավար Միխայիլ Միշուստինը։ 

«Այս նախաձեռնությունը նույնպես սկզբից միանշանակ չընդունվեց մեր գործընկեր երկրների կողմից, սակայն ի վերջո դրան միացան բոլոր հինգ երկրները և ոչ միայն։

Իհարկե, այն պետք է զարգացնել, հենց դա է ԵԱՏՄ իմաստը», - ասել է նա՝ հավելելով, որ թվային այսպիսի նախաձեռնությունները ոչ միայն չեն խախտում երկրների ինքնիշխանությունը, այլև հեշտացնում են մարդկանց, ապրանքների ու ծառայությունների տեղափոխումը։  

ՌԴ կառավարության ղեկավարը նաև հիշեցրել է, որ 2022 թ-ին Եվրասիական զարգացման բանկը, որի կազմում է Թվային նախաձեռնությունների հիմնադրամը, Ֆիլիպինների մայրաքաղաք Մանիլայում արժանացել է ADFIAP Sustainable Awards 2022 մրցանակին «Տեխնոլոգիաների զարգացում» կատեգորիայում։ 

Մանրամասները՝ տեսանյութում։

--00—ԼՄ