ԵՐԵՎԱՆ, ՓԵՏՐՎԱՐԻ 25, 24News
Այսօր՝ փետրվարի 25-ին, Ճապոնիայի Հոկայդո կղզում 6,1 մագնիտուդ ուժգնությամբ երկրաշարժ է գրանցվել։ Այս մասին հայտնում է Եվրոպական-միջերկրածովյան սեյսմոլոգիական կենտրոնը։
Երկրաշարժի օջախը, մասնագետների գնահատմամբ, գտնվել է մոտ 50 կմ խորության վրա։ Էպիկենտրոնից 22 կմ հեռավորության վրա գտնվում է Ակկեսի ավանը, որտեղ ապրում է մոտ 10 հազար մարդ: Էպիկենտրոնից 50 կմ հեռավորության վրա էլ գտնվում է խոշոր նավահանգստային Կուսիրո քաղաքը, որտեղ ապրում է մոտ 180 հազար մարդ:
Զոհերի և ավերածությունների մասին տեղեկություններ չեն ստացվել։
--00—ՅՄ