ԵՐԵՎԱՆ, ՓԵՏՐՎԱՐԻ 25, 24News
Ադրբեջանի և Թուրքիայի նախագահներ Իլհամ Ալիևը և Ռեջեփ Թայիփ Էրդողանը շաբաթ օրը Ստամբուլում կայացած հանդիպմանը քննարկել են երկկողմ համագործակցության հարցեր, ինչպես նաև Բաքվի և Երևանի միջև հարաբերությունների կարգավորման հեռանկարները։ Այս մասին հայտնում է ՏԱՍՍ գործակալությունը։
«Զրույցի ընթացքում քննարկվել են Ադրբեջանի և Թուրքիայի միջև քաղաքական, տնտեսական, առևտրային, էներգետիկ, ռազմական և ռազմատեխնիկական ոլորտներում համագործակցության հետագա խորացման հեռանկարները։ Պետությունների ղեկավարները մտքեր են փոխանակել նաև Հայաստանի և Ադրբեջանի միջև հարաբերությունների կարգավորման և խաղաղության օրակարգի շուրջ»,- ասված է հաղորդագրությունում։
--00—ՅՄ