Գյումրի համայնքի ղեկավարը «Դոմ Մոսկվի» կենտրոնի տնօրենի հետ քննարկել է համագործակցային հարցեր 

ԵՐԵՎԱՆ, ՄԱՐՏԻ 1, 24News

գյումրի

Գյումրի համայնքի ղեկավար Վարդգես Սամսոնյանն ընդունել է Երևանում Մոսկովյան մշակութագործարարական «Դոմ Մոսկվի» կենտրոնի գլխավոր տնօրեն Վահրամ Կարապետյանին։ Հանդիպմանը մասնակցել են նաև համայնքապետարանի մշակույթի և երիտասարդության հարցերի բաժնի պետ Լիլիթ Թովմասյանը, ծրագրերի և արտաքին կապերի բաժնի պետ ժ/պ Նազելի Էլբակյանը։ Տեղեկանում ենք Գյումրիի համայնքապետարանի մամուլի ծառայությունից։

Վահրամ Կարապետյանն իր խոսքում ներկայացրել է «Դոմ Մոսկվիի» գործունեությունը, անդրադարձել անցնող տարիների ընթացքում կենտրոնի կողմից իրականացված ծրագրերին, խոսել առաջիկա նախաձեռնությունների մասին։

Վարդգես Սամսոնյանն իր խոսքում կարևորել է կենտրոնի կողմից իրականացվող ծրագրերը, միաժամանակ պատրաստակամություն հայտնել հետագա համագործակցության։

«Դոմ Մոսկվի» կենտրոնն իրականացնում է ծրագրեր՝ մշակույթի, տուրիզմի, կրթության ոլորտներում։ Հանդիպման ընթացքում կողմերը խոսել են վերը թվարկված ոլորտներում Գյումրու ունեցած ներուժի, հնարավոր համագործակցությունների , ծրագրերի իրականացման համար անհրաժեշտ աշխատանքների ու առաջիկա անելիքներին մասին։

--00—ՍՊ