ԵՐԵՎԱՆ, ՄԱՐՏԻ 13, 24News
Facebook սոցիալական ցանցի բազմաթիվ օգտատերեր հայտնել են կայքի աշխատանքի խափանման մասին: Ինչպես գրում է Downdetector-ը՝ խնդիրը նկատվել է միանգամից մի քանի երկրներում:
Ըստ աղբյուրի՝ խափանումներ են գրանցվել գլխավորապես ԱՄՆ-ի արևելյան ափի տարածքում:
Նշվում է, որ սոցկայքի աշխատանքի խափանումների մասին հաղորդագրություններ են ստացվել նաև Ֆիլիպիններից, Մեծ Բրիտանիայից, Նիդեռլանդներից ու եվրոպական մի շարք այլ երկրներից:
Տեխնիկական խնդիրների պատճառների մասին տեղեկություններ չկան: