Քաշքշոց՝ Վրաստանի խորհրդարանում. քննարկում են աղմկահարույց օրենքը

ԵՐԵՎԱՆ, ՄԱՐՏԻ 6, 24News

պատգամ

Վրաստանի խորհրդարանի իրավական հարցերի հանձնաժողովն այսօր քննարկում է «Օտարերկրյա գործակալների մասին» օրինագծերը։ Այս մասին հայտնում է Aliq.ge-ն։

Հանձնաժողովի նախագահ Անրի Օխանաշվիլին երկու անգամ տեխնիկական ընդմիջում է հայտարարել պատգամավորների բողոքի ու բղավոցների պատճառով։ 10 պատգամավորներ նախազգուշացում են ստացել, մի քանիսը լքել են դահլիճը։

Հանձնաժողովի նախագահի պահանջով հեռացվել են Սալոմե Սամադաշվիլին, Խաթունա Սամնիձեն, Թամար Կորձայան, Լևան Խաբեիշվիլին և Գիորգի Վաշաձեն։

«Սա ռուսական օրենք է, խոսնակը ստում է, սա ռուսական օրենք է»,- քննարկման սկզբում այսպես արձագանքեցին ընդդիմադիր պատգամավորները։

Խորհրդարանի շենքում ձեռնարկվել են անվտանգության ուժեղացված միջոցառումներ՝ արգելափակվել է Իրավական հարցերի հանձնաժողով տանող միջանցքը, լրագրողներին թույլ չեն տալիս մտնել դահլիճ։

Մանրամասն՝ սկզբնաղբյուր կայքում։

--00—ՅՄ