16 ցուցարար բերման է ենթարկվել․ ոստիկանություն 

ԵՐԵՎԱՆ, ՄԱՐՏԻ 14, 24News

բորման

Օպերայի շրջակայքի սրճարանների ներկայացուցիչների բողոքի ակցիայի վայրից ոստիկանություն է բերման ենթարկվել 16 անձ։ Այդ մասին 24News-ի հետ զրույցում հայտնեց ՀՀ ոստիկանության լրատվության և հասարակայնության հետ կապի վարչության պետի տեղակալ Էդգար Ջանոյանը։

«Մաշտոցի պողոտայից 16 քաղաքացի բերվել է ոստիկանության Կենտրոնական բաժին՝ ոստիկանների օրինական պահանջները չկատարելու հիմքով», - նշեց Ջանոյանը։ 

Երևանի քաղաքապետարանն այսօր վաղ առավոտից վերսկսել է Ալ. Սպենդիարյանի անվան Օպերայի և բալետի ազգային ակադեմիական թատրոնի հարակից տարածքի սրճարանների ապամոնտաժման աշխատանքները։ Այս պահին ապամոնտաժվում է «Ատլանտիս գարդեն» սրճարանը։

Սրճարանների աշխատակիցները նախ փակել էին Մաշտոցի պողոտան, սակայն  ոստիկանները բացել էին այն՝ ցուցարարներից մի քանիսին բերման ենթարկելով, իսկ  մյուսներին՝ ուժի գործադրմամբ հեռացրել փողոցի երթևեկելի հատվածից։

 

Տեսանյութեր

Live

Լրահոս