ԵՐԵՎԱՆ, ՄԱՐՏԻ 14, 24News
ԱԳ նախարար Զոհբար Մնացականյանը մարտի 15-ին լինելու է ԱԺ արտաքին հարաբերությունների հարցերի հանձնաժողովում, որտեղ փակ ռեժիմով հանդիպում է տեղի ունենալու: Այս մասին մարտի 14-ին ԱԺ-ում լրագրողների հետ զրույցում հայտնել է «Լուսավոր Հայաստան» խմբակցության ղեկավար Էդմոն Մարուքյանը:
Նրա խոսքով, եթե ուզում են, որ խոսակցությունը բաց ու անկաշկանդ լինի, կարևոր է, որ նման նուրբ հարցերը փակ ռեժիմով քննարկվեն. «Խորհրդարանական լսումն այլ գործիք է, միգուցե մի օր էլ լսումներ անենք, այնպես չի, որ դա մերժված գաղափար է: Բայց ամեն գործիք պետք է նպատակ ունենա, ինքնանպատակ չլինի», - ասել է նա: