ՆԳ նախարարը ծաղիկներ է խոնարհել ՀՀ ՆԳ առաջին նախարար Արամ Մանուկյանի հիշատակին

ԵՐԵՎԱՆ, ՄԱՐՏԻ 20, 24News

Մարտի 19-ը Հայաստանի առաջին հանրապետության հիմնադիր, ներքին գործերի առաջին նախարար Արամ Մանուկյանի ծննդյան օրն է։

Այդ կապակցությամբ ՀՀ ներքին գործերի նախարար Վահե Ղազարյանը, Ներքին գործերի նախարարի տեղակալներն ու գերատեսչության ղեկավար կազմը ծաղկեպսակ են դրել և ծաղիկներ խոնարհել Արամ Մանուկյանի կիսանդրուն։

Արամ Մանուկյանը (Սարգիս Հովհաննիսյան) ծնվել է 1879 թվականի մարտի 19-ին, Սյունիքի մարզի Դավիթ Բեկ գյուղում։ 1915 թվականի Վանի ինքնապաշտպանության ղեկավարներից էր, ապա՝ Վանի նահանգապետ։

Հայաստանի առաջին Հանրապետության անկախության հռչակումից հետո ղեկավարել է երկիրը, ապա կառավարության կազմում զբաղեցրել ներքին գործերի առաջին նախարարի պաշտոնը։

Մահացել է 1919-ին, Երևանում։

--00—ԼՄ