Երևանը բարեկեցիկ դարձնելու կարևոր նախադրյալ է նաև ենթակառուցվածքների մատչելիությունը բոլորի համար

ԵՐԵՎԱՆ, ՄԱՐՏԻ 21, 24News

10241dbb-eb40-45d2-b3b3-6b5cd2e53bdf.jpg

Երևանի փոխքաղաքապետ Տիգրան Ավինյանը ֆեյսբուքյան իր էջում գրել է․

«Երևանը բարեկեցիկ և խնամված քաղաք դարձնելու կարևորագույն նախադրյալ է նաև քաղաքի հանրային ենթակառուցվածքների մատչելիությունը բոլոր քաղաքացիների համար:

Հենաշարժողական խնդիրներ ունեցող անձանց հետ աշխատող հասարակական կաղմակերպությունների ներկայացուցիչների հետ հանդիպման ժամանակ քննարկեցինք մեր քաղաքում առկա հասանելիության բազմաթիվ խնդիրները: Բարձրացված հարցերը շատ են՝

Տրանսպորտի, կանգառների, ավտոկայանատեղիների մատչելիություն, որը հաճախ խախտվում է չթույլատրված վայրերում կայանված մեքենաների պատճառով:

Դպրոցներում, մշակութային կենտրոններում և բնակելի շենքերում թեքահարթակների և վերելակների սակավություն: Այստեղ խնդիրը գալիս է նաև խորհրդային շրջանում կառուցված շինություններից, որոնց դեպքում հաճախ անհնար է դառնում մատչելիության լուծումներ կիրառելը:

Քաղաքում համապատասխան կահավորմամբ տաքսի ծառայությունների բացակայություն: Շարքը երկար է և պահանջում է համայնքի և քաղհասարակության համատեղ աշխատանք: Մեր կողմից առաջնահերթ գործողություններից են լինելու՝
հանրային շինարարական նախագծերից մատչելիության պահանջի կիրառումը, ինչպես
նաև գործող առևտրի և սննդի օբյեկտներին մատչելիության ապահովման աշխատանքերի պահանջը: Այս քննարկումը կարող եմ համարել մատչելի քաղաք ունենալուն ուղղված իրական աշխատանքների մեկնարկ, որի անհրաժեշտությունը բխում է քաղաքի կյանքում մեր բոլոր քաղաքացիներին ներգրավվելու իրավունքից»:

06:18 PM

--00—ԶՀ