Գյումրիում անցկացվել են ՀԿԵ և ԱԻՆ համատեղ ցուցադրական մարտավարական զորավարժություններ

ԵՐԵՎԱՆ, ՄԱՐՏԻ 24, 24News

9d53c511-c8c2-46a0-8525-caf12a5f78a5.jpg

Մարտի 24-ին Գյումրիում անցկացվել են ԱԻՆ և ՀԿԵ համատեղ ցուցադրական մարտավարական զորավարժություններ: Միջոցառման պլանի համաձայն ՝ մշակվել են երկաթուղում արտակարգ իրավիճակների երեք սցենարներ։ Առաջին սցենարով Գյումրի քաղաքում երկաթուղային վթար է տեղի ունեցել, ինչի հետևանքով հրդեհ է բռնկվել ուղևորատար վագոններից մեկում: Երկրորդ սցենարը ենթադրում էր ամոնիակի արտահոսք երկաթուղային ցիստեռնից ։ Երրորդ սցենարը ենթադրում էր վառելանյութով ցիստեռնի բռնկում։

Վարժանքներին ներգրավված են եղել Շիրակի ստորաբաժանման աշխատակիցները և ՀԿԵ «Հրդեհաշիջման և վերականգնման գնացքներ» ձեռնարկության, Շտապօգնության, Ոստիկանության, «Վեոլա Ջուր» և «Էլեկտրական ցանցեր»-ի աշխատակիցները։ ՀԿԵ գլխավոր տնօրենի առաջին տեղակալ Օլեգ Շատալովի խոսքով՝ զորավարժությունները հաստատել են ԱԻՆ փրկարար ծառայությունների և բուն ընկերության պատրաստվածության բարձր մակարդակը։

Շնորհակալություն հայտնելով ԱԻՆ ղեկավարությանը մասնագիտական ​​աշխատանքի համար՝ նա վստահություն է հայտնել, որ նման վարժանքների պարբերական անցկացումը նպաստում է արտակարգ իրավիճակների դեպքում փրկարար ծառայությունների պատրաստվածության բարձրացմանը։ ՀԿԵ-ի կողմից Օ.Շատալովը հաստատեց աջակցությունը պարբերական միջոցառումների կազմակերպման գործում:

--00—ԶՀ