ԵՐԵՎԱՆ, ՄԱՐՏԻ 29, 24News
Ադրբեջանի և Իսայելի ԱԳ նախարարների հանդիպման ժամանակ իսրայելցի նախարարն անդրադարձել է Իրանից հնչող սպառնալիքներին, փոխանցում են ադրբեջանական ԶԼՄ-ները։
«Իրանը սպառնում է մեր տարածաշրջանին և անկայունություն է ստեղծում Մերձավոր Արևելքում՝ աջակցելով և ֆինանսավորելով ահաբեկչությանը։
Մենք պետք է միասին գործենք Իրանի դեմ։ Միասին չպետք է թույլ տանք, որ Իրանը ընդլայնի իր միջուկային հնարավորությունները»,- ասել է նա։
Իր հերթին Ադրբեջանի ԱԳ նախարար Ջեյհուն Բայրամովը նշել է, որ Ադրբեջանում բնակվող հրեական համայնքը և Իսրայելի ադրբեջանական համայնքը կարևոր դեր են խաղում երկկողմ հարաբերությունների ամրապնդման գործում, և որ համագործակցության զարգացմանը նպաստում են նաև ադրբեջանցի ու իսրայելցի պաշտոնյաների պարբերական հանդիպումները։
Նշենք, որ ԱԳ նախարարների հանդիպման շարժառիթը Իսրայելում Ադրբեջանի դեսպանատան բացումն է եղել։
--00—ԼՄ