ԵՐԵՎԱՆ, ԱՊՐԻԼԻ 10, 24News
Գլխավոր դատախազը միջնորդագիր է ներկայացրել Ազգային ժողով՝ պատգամավոր Մհեր Սահակյանի նկատմամբ քրեական հետապնդում հարուցելու (նրան մեղադրանք առաջադրելու) միջնորդությամբ։
Մհեր Սահակյանի փաստաբան Ռուբեն Մելիքյանը պնդում է՝ իր պաշտպանյալի արարքում խուլիգանությունը (որպես օբյեկտիվ երևույթ) և խուլիգանական դրդումը (որպես սուբյեկտիվ երևույթ) իսպառ բացակայում են։
«Իրավասու մարմինները մտադիր են Սահակյանին մեղադրանք առաջադրել խուլիգանության (297 հոդվածի 1-ին մաս) և Վլադիմիր Վարդանյանին խուլիգանական դրդումներով թեթև մարմնական վնասվածք պատճառելու համար (171 հոդվածի 2-րդ մաս):
Երկու դեպքում էլ գործ ունենք ոչ մեծ ծանրության հանցակազմի հետ։
Խափանման միջոց կալանքի թույլտվության միջնորդություն ազգային ժողովին չի ներկայացվել։
Հարվածը ինչ-որ առարկայով հասցնելու նախնական վարկածը, փաստորեն, հերքվել է։
Մեր մոտեցումն անփոփոխ է. Սահակյանի արարքում խուլիգանությունը (որպես օբյեկտիվ երևույթ) և խուլիգանական դրդումը (որպես սուբյեկտիվ երևույթ) իսպառ բացակայում են, իսկ հարվածը հասվել է անհրաժեշտ պաշտպանության նկատառումով», - Facebook-ում գրել է Մելիքյանը։
--00—ԼՄ