ԵՐԵՎԱՆ, ՄԱՅԻՍԻ 28, 24News
Մայիսի 28-ը հայկական պետականության վերածննդի՝ Հայաստանի առաջին հանրապետության անկախության հռչակման օրն է։
Այսօր մեր շնորհավորական ուղերձն ուղղված է ողջ ազգին, անկախ և ինքնիշխան Հայաստանին, որի հիմքը գծվել է 1918 թվականին՝ Սարդարապատի և Ապարանի հերոսական ճակատամարտերով։
Խորհրդանշական է այս օրը գտնվել Ապարանում, որտեղ 1 դար առաջ մեր քաջ նախնիների համախմբման, միասնական կամքի և անկոտրում պայքարի շնորհիվ կանգուն մնաց Հայաստանը։
Հերոսական քաղաքից շնորհավորում եմ բոլորիս՝ մեր անցյալի փառավոր էջերը հիշելու, դրանցից կարևոր դասեր քաղելու և մեր հայրենիքի արժանավոր ապագան կառուցելու կոչով։
--00—ՅՄ