ԵՐԵՎԱՆ, ՄԱՅԻՍԻ 29, 24News
Հայաստանի Հանրապետության արդարադատության նախարարության «Սևան» քրեակատարողական հիմնարկի հերթապահ խմբի, օպերատիվ և անվտանգության ապահովման բաժինների ծառայողները տեղեկություն էին ստացել այն մասին, որ կացարաններից մեկի ընդհանուր օգտագործման խոհանոցի օդատար խողովակի մեջ դատապարտյալները թաքստոց են պատրաստել:
Իրացնելով նախապես ստացված տեղեկությունը՝ մայիսի 26-ին՝ ժամը 10:00-ի սահմաններում, ծառայողներն իրականացրել են խուզարկություն, որի արդյունքում նշյալ օդատար խողովակի միջի թաքստոցից հայտնաբարել են երկու բջջային հեռախոս, անլար ականջակալ, բջջային հեռախոսի լիցքավորման սարք և ինքնաշեն դանակ:
Հայտնաբերվածներն ուղարկվել են ՀՀ ՔԿ Կոտայքի մարզային քննչական վարչություն: Նախաձեռնվել է համապատասխան վարույթ:
--00—ՅՄ