Հայե՜ր, միակ ճանապարհը կռվելն է, պատերազմի դեպքում Ագարակով, Բագրատաշենով չեք հասցնի փախչել

ԵՐԵՎԱՆ, ՄԱՅԻՍԻ 31, 24News

Սոթքի վերջին դեպքերը տակտիկական գործողություններ էին, որոնց ժամանակ մեր բանակը ցույց տվեց, որ պատրաստ է ոտքի կանգնել, ցույց տվեց, որ շախմատի վրա մենք ֆիգուր ենք՝ թեկուզ «պեշկա»։ Նշված դեպքերի ընթացքում մեր կորպուսի, գնդի հրամանատարությունը և շարքային զինվորներն իրենց արժանի ձևով պահեցին: Այս մասին 24TV-ի հաղորդման ժամանակ ասաց «ՈՄԱ»-ի հիմնադիր նախագահ Վովա Վարդանովը:

«Բանակն ուզում է ոտքի կանգնել և իրեն պետք է օգնել, միակ կուսակցությունը, որ հային վայել է, հայկական բանակն է, եթե այլ կուսակցությունից ես, բայց հայկական բանակից չես, ամոթ է, միայն հայկական բանակն է ի վիճակի մեզ ապահովել՝«այլևս երբե՛ք» լոզունգով, այսինքն՝ այլևս երբեք չենք ցեղասպանվի: Տղաները հենց այնպես չզոհվեցին, եթե կանգնած չլինեին թուրք ասկյարների դեմ, նրանք կհասնեին Երևան: Շատերը կեղծ մտքեր ունեն, թե պատերազմի դեպքում Ագարակի, Սադախլոյի, Բագրատաշենի անցակետով կհասցնեն փախնել, հայե ՛ր, չեք հասցնի փախչել, միակ ճանապարհը կռվելն է»,-ավելացրեց Վարդանովը:

Անդրադառնալով անկլավների թեմային՝ Վարդանովն ասաց, որ Տիգրանաշենն անմիջապես ճանապարհի վրա է, լուրջ խնդիրներ ենք ունենալու, այլընտրանքային ճանապարհներ պետք է կառուցվեն: «Իսկ թուրքերի տրամադրության տակ հողերը վերադարձվելո՞ւ են, Իջևանի Բերքաբեր գուղի դիմացի հատվածը՝ Օդունդաղի սարը, որտեղ 17 բնակավայր կա, Հայաստանինն է եղել մինչ 1988 թվականը, դա վերադարձվելո՞ւ է: Արծվաշենը ստրատեգիական հարցեր չի լուծում, այն ստրատեգիական հարցեր կլուծի, եթե ռազմաբազա կառուցվի, իսկ թուրքը դա թույլ չի տա»:

Մանրամասները՝ տեսանյութում:

Հերմինե Միքայելյան

--00—ԱՊ