ԵՐԵՎԱՆ, ՄԱՐՏԻ 22, 24News
ՀՀ վարչապետ Նիկոլ Փաշինյանը ֆեյսբուքյան էջում անդրադարձել է Զինծառայողների ապահովագրության հիմնադրամի նիստի ժամանակ կայացված որոշմանը։ Գրառումը՝ ստորև․
«1000 դրամների հիմնադրամն ապրիլի 1-ից կսկսի փոխհատուցել 2008 թվականի հունվարի 1-ից ներառյալ՝ մարտական հերթապահության ընթացքում 2-րդ և 1-ին կարգի հաշմանդամություն ստացած զինծառայողներին և զոհված զինծառայողների ընտանիքների անդամներին:
Սա չափազանց կարևոր որոշում է, չափազանց կարևոր սփոփանք՝ բոլորիս համար»:
Ավելի վաղ հայտնել էինք, որ Զինծառայողների ապահովագրության հիմնադրամի տնօրեն Վարուժան Ավետիքյանը ֆեյսբուքյան էջում գրել է, որ կայացել է Զինծառայողների ապահովագրության հիմնադրամի՝ 2019 թվականի առաջին նիստը։
«Ինչպես խոստացել էի դեկտեմբերի նիստից հետո, հիմնադրամն այսօր որոշում կայացրեց հատուցել նաև 2008-2014 թվականներին տեղի ունեցած 170 դեպքերի համար (զոհ և հաշմանդամություն):
Հիշեցնեմ, որ անցյալ տարի մենք որոշել էինք հատուցել 2015-2016 թվականների դեպքերի համար, որոնք փոխհատուցվել են: Ցայսօր մենք փոխհատուցումներ ենք կատարել 226 դեպքերի համար (2015 - 2018): Քայլ առ քայլ մենք հասնում ենք դեռևս 2016 թվականի նոյեմբերին մեր առջև դրված նպատակներին», - գրել էր հիմնադրամի տնօրենը։