ԵՐԵՎԱՆ, ՀՈՒՆԻՍԻ 5, 24News
44-օրյա պատերազմում զոհված Մխիթար Գալեյանի մայրը՝ Աստղիկ Գալեյանը ֆեյսբուքյան իր էջում գրել է․
«Գայանի ու «հերոս» Աշոտի դեպքից ժամեր անց որոշ մայրեր, ում որդիները նահատակվել են հանուն Հայրենիքի, սկսեցին լալահառաչ տեքստեր գրել, մեղադրել Գայանեին ու աջակցել Աշոտիկին, որի իրավունքը նրանք չունեին։ Լավ սատարեցիք «հերոս» Աշոտին՝ «հերոսածին» Աննայի որդուն, հիմա հարց՝ ի՞նչ զգացիք դուք, երբ ձեր վարչափեդը գնաց Թուրքիա, սերմացու դարձած վարունգի պես կանգնեց էրդողանի առաջ, դուք ձեզ լա՞վ էիք զգում կամ հիմա լա՞վ եք զգում, բա մի հատ քննադատեք ձեր փրգիչին, ախր ձեր «խաղաղասերը» գնաց էն երկիր, ում բայրակթարերը սպանեցին ձեր տղերքին։ Ու չասեք, թե դա դիվանագիտություն է, կներեք, բայց դուք ինքնասիրություն չունեք»։
Հիշեցնենք՝ Երևանի ընդհանուր իրավասության դատարանը այսօր կրկին կալանավորեց վարչապետ Փաշինյանի որդուն առևանգելու համար մեղադրվող զոհված զինծառայող Ժորա Մարտիրոսյանի մորը` Գայանե Հակոբյանին՝ 1 ամիս 15 օր ժամկետով։
Գայանե Հակոբյանի փաստաբանները պատրաստվում են բողոքարկել այս որոշումը։
--00—ՍՊ