ԵՐԵՎԱՆ, ՀՈՒՆԻՍԻ 6, 24News
Թբիլիսիի քաղաքային դատարանում տարհանում է հայտարարվել: Ըստ տեղեկությունների՝ առնվազն մի քանի դատական գործընթաց հետաձգվել է: Այս մասին գրում է «Ալիք Մեդիան»։
Գործերից մեկը, որի վերանայումը հետաձգվել է, հունիսի 3-ին կալանավորված Էդուարդ Մարիկաշվիլիի գործն է։ «Վրաստանի դեմոկրատական նախաձեռնության» ղեկավարի փաստաբանին հայտնել են, որ գործընթացի հետաձգման պատճառը դատարանում հայտարարված տարհանումն է։
Ի դեպ, այսօր սա առաջին դեպքը չէ, երբ տարհանում է իրականացվում: Այս պահին այլ մանրամասներ հայտնի չեն:
Վրաստանի ներքին գործերի նախարարությունից նշվածի մասին մեկնաբանություն չեն արել:
--00--ԶՀ