Նախագահ Սարգսյանը շնորհավորական ուղերձ է հղել Հունաստանի նախագահին ազգային տոնի առթիվ

ԵՐԵՎԱՆ, ՄԱՐՏ 25, 24News

ՀՀ նախագահ Արմեն Սարգսյանը շնորհավորական ուղերձ է հղել Հունաստանի Հանրապետության նախագահ Պրոկոպիոս Պավլոպուլոսին երկրի ազգային տոնի՝ Անկախության օրվա առթիվ:

Նախագահ Արմեն Սարգսյանը համոզմունք է հայտնել, որ Հայաստանի և Հունաստանի միջև առկա արդյունավետ փոխգործակցությունը շարունակական բնույթ կկրի՝ ծառայելով երկու երկրների առաջընթացին ու բարգավաճմանը: