Նիկոլ Փաշինյանն ակնհայտ և հերթական զրպարտությունն արեց․ Արմեն Աշոտյան

ԵՐԵՎԱՆ, ՄԱՐՏ 26, 24News

արմեն աշոտյան

Նիկոլ Փաշինյանի երեկվա հայտարարությունը ռեկտորների մասին միանգամից մի քանի հոդվածների նյութ է իշխանափոխությունից հետո: Այս մասին Facebook-ի իր էջում գրել է ՀՀԿ փոխնախագահ Արմեն Աշոտյանը:

Նա, մասնավորապես, նշել է.

«1. Նիկոլ Փաշինյանն ակնհայտ եւ հերթական զրպարտությունն արեց՝ մերկապարանոց մեղադրանքներ հնչեցնելով որոշ ռեկտորների հասցեին:

2. Նիկոլ Փաշինյանը քաղաքական որոշման անվան տակ ակնհայտորեն պաշտոնեական դիրքի չարաշահում է իրականացրել՝ օրենքով սահմանված կարգով ընտրված եւ պաշտոնավարող մարդու նկատմամբ վարչապետի լիազորությունները զանցելով:

3. Նիկոլ Փաշինյանը փաստացի խոստովանել է, որ քաղաքական դրդապատճառներով ուղղորդում է իրականացնում վերահսկող եւ իրավապահ մարմինների նկատմամբ:

4. Նիկոլ Փաշինյանը խախտել է նաեւ Սահմանադրության՝ ցանկացած խտրականության, այդ թվում՝ քաղաքական հայացքների համար, արգելքի մասին դրույթը:

Կրկնակի ստանդարտների գուռուն իր որոշումներով արդեն իսկ հասցրել է ողողել բուհերի կառավարման խորհուրդները քաղաքական լոյալություն դրսեւորող սեփական քաղաքական թիմի կադրերով:

Նիկոլ Փաշինյանի օրոք Հայաստանի բուհական ինքնավարության եւ կրթության ոլորտում եվրոպական ստանդարտների հոգեվարքի վտանգ կա»:

 

 

Տեսանյութեր

Live

Լրահոս