ԵՐԵՎԱՆ, ՄԱՐՏԻ 26, 24News
Հայազգի ամերիկացի փաստաբան Մարկ Գերագոսը, որը հայտնի է որպես աստղերի փաստաբան, դրամաշորթության մեջ կասկածվող փաստաբան Մայքլ Ավենատիի հանցակիցն է համարվել։
Ավենատին կասկածվում է Nike ընկերությունից 25 միլիոն դոլար շորթելու մեջ։
61-ամյա Գերագոսը հայտնի է նրանով, որ պաշտպանել է Մայքլ Ջեքսոնին, Ուայնոնա Ռայդերին եւ այլ անվանիների։ Նա Ավենատիի հնարավոր հանցակիցն է համարվում։
Ինչպես տեղեկացնում է AP-ը, փաստաբանը չի պատասխանել ԶԼՄ-ներում հայտնված տեղեկությունները մեկնաբանելու խնդրանքին։
Միեւնույն ժամանակ, հայտնի է, որ CNN հեռուստաընկերությունը, որի հետ Գերագոսը համագործակցել է երկար տարիներ, հրաժարվել է նրա ծառայություններից՝ գործի հետ նրա առնչության մասին տեղեկությունից անմիջապես հետո։
Հիշեցնենք, որ Մայքլ Ավենատին ներկայացնում էր պոռնոդերասանուհի Սթեֆանի Քլիֆորդին՝ ԱՄՆ նախագահ Դոնալդ Թրամփի դեմ գործում։