ԵՐԵՎԱՆ, ՄԱՐՏԻ 29, 24News
Սիրիայում և Իրաքում կրած պարտությունից հետո «Իսլամական պետություն» (ԻՊ) ահաբեկչական խմբավորման հետաքրքրությունները տեղափոխվել են ԱՊՀ երկրներ՝ Ղազախստանի, Ուզբեկստանի, Տաջիկստանի, Ղրղզստանի և Հայաստանի տարածք: Այդ մասին հայտնում է ria.ru-ն՝ հղում անելով ՌԴ ներքին գործերի նախարարության Ծայրահեղականության հակազդման գլխավոր վարչության պետ Օլեգ Իլյինիխը:
Մարտի 29-ին նա ելույթ է ունեցել ՌԴ ՆԳՆ Մոսկվայի համալսարանում, որտեղ ահաբեկչության և ծայրահեղականության հակազդման թեմայով միջազգային գիտագործնական համաժողովի բացումն է տեղի ունեցել:
Ըստ Օլեգ Իլյինիխի՝ ԻՊ անդամները մշակում են ամբողջ աշխարհով մեկ ահաբեկչական հարձակումների իրագործման հնարավորություններ ունեցող համաշխարհային ահաբեկչական ցանցի ստեղծման ծրագրեր:
«Սիրիայում և Իրաքում «Իսլամական պետության» հռչակած խալիֆայության ռազմավարական պարտությունն ԻՊ-ին դրդում է շահերի շրջանակը տեղափոխել Ղազախստանի, Ուզբեկստանի, Տաջիկստանի, Ղրղզստանի, Հայաստանի տարածք»,-հայտարարել է Իլյինիխը։