ԵՐԵՎԱՆ, ՍԵՊՏԵՄԲԵՐԻ 29, 24News
Փոխվարչապետ Տիգրան Խաչատրյանը Հայաստանում ԵՄ պատվիրակության նորանշանակ ղեկավար, դեսպան Վասիլիս Մարագոսին է ներկայացրել Արցախից բռնի տեղահանված անձանց առաջնային կարիքները, ինչպես նաև Կառավարության անելիքները։
Փոխվարչապետի գրասենյակից հայտնում են, որ Վասիլիս Մարագոսն իր անհանգստությունն է հայտնել ստեղծված հումանիտար իրավիճակի վերաբերյալ՝ վերահաստատելով ԵՄ պատրաստակամությունը՝ աջակցելու Լեռնային Ղարաբաղից բռնի տեղահանված անձանց կարիքների բավարարմանն ուղղված ՀՀ կառավարության ծրագրերին։
--00—ՍՊ