«Այստեղ ենք՝ հայտնելու մեր համերաշխությունը Հայաստանին նման բարդ ժամանակներում»․ ԵԽ պատգամավոր

ԵՐԵՎԱՆ, ԴԵԿՏԵՄԲԵՐԻ 5, 24News

ff

 

ՀՀ ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը դեկտեմբերի 5-ին հանդիպել է Եվրոպական խորհրդարանի պատգամավոր Ժոֆրուա Դիդիեի գլխավորած պատվիրակությունը:

«Սա մեր առաջին այցն է Հայաստան: Այստեղ ենք՝ հայտնելու մեր համերաշխությունը Հայաստանին եւ հայ ժողովրդին նման բարդ ժամանակներում»,- ասել է Ժոֆրուա Դիդիեն:

«Կարեւորում եմ ձեր այցը Հայաստան նման ճգնաժամային իրավիճակում եւ բարձր եմ գնահատում ձեր ցուցաբերած համերաշխությունը, այն արագ արձագանքը, որը ԵԽ-ն ցուցաբերում է մեր երկրի ու ժողովրդի նկատմամբ: Համերաշխությունն ակնառու է նաեւ ԵԽ-ում կատարվող աշխատանքներում: Բանաձեւերը, որոնք ընդունել է ԵԽ-ն, շատ կարեւոր են Հայաստանի համար: Դրանք ուղեցույց եւ օրինակ են ԵԽ մյուս երկրների համար՝ որպես գործողությունների ծրագիր»,- ասել է Սարգիս Խանդանյանը:

Սարգիս Խանդանյանն ընդգծել է, որ Հայաստանը, ի հեճուկս դժվարին անվտանգային մարտահրավերների, անշեղորեն հետամուտ է ժողովրդավարական բարեփոխումների իր հանձնառությանը եւ ակնկալում է ԵԽ գործուն աջակցությունը:

Կողմերը քննարկել են ՀՀ-ԵՄ երկկողմ համագործակցության հեռանկարներին եւ ուղիներին վերաբերող հարցեր:

--00—ՍՊ