ԵՐԵՎԱՆ, ԱՊՐԻԼԻ 15, 24News
«Արարատցեմենտ» ՓԲԸ աշխատողները գործադուլ են անում։ Օրերս նրանց հայտնել էին, որ երկու ամսից գործարանը փակվելու է ու մի քանի հարյուր աշխատակիցներ գործազուրկ են դառնալու:
Ուրբաթ երեկոյան աշխատակիցներին տեղեկացրել են, որ նրանց աշխատանքից ազատման ծանուցագրեր են բաժանվելու: Առավոտյան աշխատակիցները հրաժարվել են վերցնել ծանուցագրերը և փակել են գործարանի ճանապարհը։ Վերջիններս պահանջում են անձամբ Գագիկ Ծառուկյանից լսել գործարանը փակելու մասին որոշումը:
Ըստ տնօրինության պարզաբանման՝ ցեմենտի արտադրման ծախսերը շատ են, ինքարժեքը բարձր է, ուստի իրենք չեն կարողանում մրցել իրանական ցեմենտի հետ։