ԵՐԵՎԱՆ, ԱՊՐԻԼԻ 18, 24News
Այսօր խորհրդարանում լրագրողների հետ ճեպազրույցում Լիլիթ Մակունցը՝ պատասխանելով հարցին, թե արդյոք արժեր, որ կառավարությունը 124 մլն դրամ գումար հատկացներ տոնը նշելու համար, պատասխանեց․ «Հիշենք՝ սեպտեմբերի 21-ին անցկացվող միջոցառումներին նույնպես գումար հատկացվեց։ Այսինքն՝ տոնակատարությունների համար պարբերաբար գումարներ հատկացվում են, և այո՛, ես կարծում եմ, որ քաղաքացու օրը նշելու համար պետք է հատկացվի գումար»։
Իշխանական խմբակցության ղեկավարը նկատեց, որ տոնը պետք է ապակենտրոնացնել և չնշել միայն Երևանում։
Հարցին, թե հնարավոր չէր այդ գումարն ուղղել ավելի կենսական հարց լուծելուն, ի պատասխան, Մակունցը լրագրողից օրինակ խնդրեց։
Լրագրողն ասաց՝ օրինակ՝ աղբահանության հարցը, ինչին Մակունցը արձագանքեց. «Այդ հարցով արդեն զբաղվում են, դրանք միմյանց հետ կապ չունեցող գործընթացներ են»։