Մարմարիկում հրդեհ է բռնկվել

ԵՐԵՎԱՆ, ՄԱՐՏԻ 2, 24News

ֆֆ

 

Մարտի 1-ին` ժամը 18:45-ին, Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Մարմարիկ գյուղի սկզբնամասում գտնվող տներից մեկի մոտակայքում այրվում է խոտի դեզ:

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ: Պարզվել է, որ գյուղի 4-րդ փողոցի 2-րդ փակուղու տներից մեկի բակում՝ ծածկի տակ, այրվում է անասնակեր:

Հրդեհը մեկուսացվել է ժամը 21:20-ին, մարվել՝ 23:49-ին: Այրվել են ծածկի փայտե կառուցատարրերը և պահեստավորած մոտ 500 հակ անասնակեր: Հայտնում են ՆԳՆ Փրկարար ծառայությունից։ 

Հրդեհաշիջման աշխատանքներին մասնակցել է գյուղի 20 բնակիչ, ներգրավվել են 2 բեռնատար և 1 տրակտոր:

 --00—ՍՊ