ԵՐԵՎԱՆ, ԱՊՐԻԼ 18, 24News
ՀՀ քաղաքացու օրը բոլոր մարզերում հավասարապես տեղի են ունենալու նույն միջոցառումները, ինչ Երևանում: Այս մասին հայտնեց Երևանի փոխքաղաքապետ Տիգրան Վիրաբյանն, ով խորհրդատվական մակարդակում օժանդակում է միջոցառումների կազմակերպմանը:
«Կա շատ կարևոր շեշտադրում, որ Քաղաքացու օրվան նվիրված միջոցառումները հավասարապես լինելու են բոլոր մարզերում: Բոլոր մարզերում ունենալու ենք նույն այն միջոցառումները, որոնք նաև տեղի են ունենալու Երևանում»,-ասաց Վիրաբյանն ու կարևորեց իրականացվող նախաձեռնությունը, որ միջոցառումները հավասարապես են բաշխվում:
Նա նշեց՝ կցանկանար, որ մնացած պետական տոները նույնպես նշվեն նաև մայրաքաղաքից դուրս՝ բոլոր մարզերում: