ԵՐԵՎԱՆ, ԱՊՐԻԼԻ 19, 24News
Ազգային ժողովի փոխնախագահ Լենա Նազարյանը բացառում է, որ ՊՎԾ պետ Դավիթ Սանասարյանի նկատմամբ քաղաքական պատվեր է իրականացվում։
«Բացառում եմ, որ որևէ մեկի, որևէ պաշտոնյայի, այսպես ասած, գլխին կարող են գործ սարքել։ Նաև բացառում եմ, որ որևէ մեկը մեղավոր լինելու դեպքում մնա անպատիժ», - ԱԺ-ում լրագրողների հետ ճեպազրույցի ժամանակ հայտարարել է ԱԺ փոխնախագահը։
Լենա Նազարյանը նշել է, որ ԱԱԾ-ի կողմից քննվող քրգործի փաստերը հասանելի չեն, բայց վստահում է ԱԱԾ-ի գործողություններին։
«Ասել ենք, որ կոռուպցիայի, չարաշահումների, վատնումների դեմ պայքարում մարդկանց չենք բաժանելու յուրայինների, օտարների, ինչպես եղել է նախկինում։ Այդ բաժանումը չի լինելու։ Եվ կարծում եմ՝ արդեն համոզվել եք», - ասել է Լենա Նազարյանը։
Մանրամասն՝ տեսանյութում։